Hordhac: Liverpool v Man City – Yaa Ku Guuleysan Doona Capital One Cup Maanta? Koobkii Ugu Horeysay Ee Klopp Mise Koobkii Lagu Macsalaameynayay Pellegrini?

Klopp_Pellegrini-Head-to-head

Kulanka: Liverpool v Man City

Finalka Capital One Cup

Garoonka: Wembley Stadium

Waqtiga: 7:30pm Saacada Geeska Afrika

Tababaraha Liverpool Jurgen Klopp ayaa fursad u heysta inuu ku guuleysto koobkiisii ugu horeysay ee Ingariis ah marka maanta Wembley lagu ciyaaro finalka Capital One Cup, halka Manuel Pellegrini uu rajeynayo inuu xilli ciyaareedkiisii ugu danbeysay ee Manchester City uu ku dhameysto koob.

Klopp ayaa diiday inuu ka hadlo taatikadiisa ka hor ciyaartaan isagoo yiri: “Waxaan qabaa xitaa magaalada Manchester waxay telefishino.”

Pellegrini ayaa isna si dadban u sheegay inuu ku soo shirtagi doonto koox adag. Waxaa bedelaya xagaaga tababaraha Bayern Munich Pep Guardiola.

Tababaraha City oo kooxdiisa ay weli ku jirto tartanka horyaalka Premier League ayaa Reds ku wajahaya kulan horyaalka ka tirsan habeenka arbacada.

Axadii hore, Pellegrini ayaa soo safay koox u badan da’ yar oo uu kala hortagay Chelsea kulankii FA Cup waxaana looga badiyay 5-1 isagoo ciyaartoy u dhigtay kulankii bartamaha isbuuca ee Champions League ay 3-1 kaga badiyeen Dynamo Kiev.

Laakiin waxa uu yiri: “Inaad ku guuleysato koob bisha Febraayo waxa ay ku siineysaa aaminaad ah inaad sii u wado u dagaalanka tartamada kale.”

MAXAA KA CUSUB?

Xiddigaha khadka dhexe ee Liverpool Adam Lallana iyo Joe Allen iyo sidoo kale daafaca Martin Skrtel ayaa dhamaantood ku soo laabtay tababarka, inkastoo la filayo inaysan ciyaari doonin maanta.

Daafaca dhexe Dejan Lovren ayaa ka soo kabsaday xumad heysay. Tababare Klopp ayaa xiddiga khadka dhexe Lucas ka ciyaarsiiyay daafaca dhexe kulankii Europa League ee ay ka badiyeen Augsburg habeenkii khamiista.

Weeraryahanka Man City Wilfried Bony, xididga garabka Jesus Navas iyo daafaca Eliaquim Mangala aya dhamaantood ka soo laaban kara dhaawac kulanka maanta ee Wembley. Mangala ayaa ahaa bedel aan la isticmaalin kulankii ay 3-1 kaga badiyeen Kiev habeenkii arbacada.

Pellegrini ayaa ku rajo weyn in kabtanka Vicente Kompany, xiddigii hore ee Liverpool Raheem Sterling iyo daafaca midig Bacary Sagna inay ciyaari karaan ka dib markii ay sameeyeen tababaro soo kabsasho ah.

Fabian Delph, Kevin de Bruyne iyo Samir Nasri ayaa dhamaantood dhaawac muddo dheer ku maqan.

SHAXDA MACQUULKA AH:

Liverpool (4-2-3-1): Mignolet; Moreno, Sakho, Lovren, Clyne; Henderson, Can; Firmino, Coutinho, Milner; Sturridge.

Man City (4-2-3-1): Caballero; Sagna, Kompany, Otamendi, Kolarov; Fernando, Fernandinho; Silva, Toure, Sterling, Aguero.

MA OGTAHAY?

  • Waa markii 12aad oo ay Liverpool finalka ka soo gaarto tartankaan League Cup. 11kii ka horeysay waxa ay qaadeen sideed ka mid ah intii u dhaxeysay 1981 iyo 2012 iyadoo kii ugu danbeeyay ay rigoore kaga qaadeen Cardiff City.
  • Manchester City ayaa afar jeer oo hore soo gaartay finalka League Cup, waxa ay ku soo guuleysteen 1970, 1976 iyo dhawaan 2014. Waxaase laga qaaday 1974 markii ay guuldarro ka soo gaartay Wolves.
  • Waa markii ugu horeysay ee ay Liverpool iyo Manchester City ciyaaraan kulan final ah tartan walba uu noqdo.

 

LIFAAQ.COM


Fikradaha Akhristayaasha (0)




Advertisement

Latest News

Kooxaha hubeysan ee Soomaaliya (Daawo Khariirad muujineysa Dhulka ay ka taliso kooxda Alshabaab)
- Jun 7, 2018
Kooxda Alshabaab oo ka hoos dhaltay Maxkamadihii Islaamiga Soomaaliya ee kacay sanadkii 2006 ayaa ...
DAAWO SAWIRRO: Talyaaniga oo Qalab Casri ah ku wareejiyey Dowladda Somalia
- Jun 7, 2018
Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa xafiiskiisa ...
AKHRISO: Heshiika Habka Doorashooyinka Soomaaliya ee Sanadka 2020-ka
- Jun 7, 2018
Habeen hore saqdii dhexe waxaa Baydhabo lagu soo gabo-gabeeyay shirkii amniga qaranka, shirkan oo ...
Wariye Caan ka ahaa Soomaalida dhexdeeda oo geeriyooday
- Jun 7, 2018
Allah ha u naxariistee waxaa Isbitaal ku yaalla magaalada London ee dalka Ingiriiska ku ...
Burcad badeeda Somalida oo sii daayay Ajaaniib mudo u Afduubnaa(Ogow Sababta lagu sii daayay)
- Jun 7, 2018
Kooxaha Burcad-baddeeda ayaa la sheegay inay maanta sii daayeen 4 kalluumeysato u dhalatay Iiraan ...