Falanqeynta Kulanka Xiisaha Iyo Xamaasada Leh Ee Horyaalka Premier League Ee Manchester United v Arsenal.

Man-United-Vs-Arsenal-620x353

Kulanka: Man United v Arsenal

Garoonka: Old Trafford

Waqtiga: 5:05pm Saacada Geeska Afrika

Garsoore:  C Pawson

Manchester United ayaa fursad u heysata inay badiso kulankii seddexaad ee isku xigta markii ugu horeysay ee tan iyo bishii November haddii ay garaacaan maanta kooxda Arsenal. Waxaana ay taasi ka dhigi doontaa todobo maalmood oo cajiib ah oo soo martay Louis van Gaal.

Kooxda Arsene Wenger ayaa laga badiyay islamarkaana barbaro gashay labadii kulan ee ugu danbeysay ee ay ciyaareen, laakiin midkoodna labadaas kulan kama tirsaneyn horyaalka, iyagoo shan dhibcood ka danbeeya Leicester City ka dib markii ay iyaga garaaceen koobka FA Cup ka hor guul ay maanta ku gaaraan Old Trafford ayaa noqoneysa mid lagama maarmaan ah si ay u sii wataan hamigooda hanashada horyaalka.

MAXAA KA CUSUB?

Manchester United ayaa qiimeyn doonta Anthony Martial kaasoo guushii khamiista ee kulankii Midtjylland ku seegay dhaawac muruqa bowdada ah.

Kooxda ay dhaawacyada hareeyeen ee United ayaa waxaa bartamihii isbuuca ka maqnaa 14 ciyaaryahan, waxaana ay sidoo kale qiimeyn doonaan xaalada goolhaye David de Gea iyo Chris Smalling.

Arsenal waxaa ka maqnaan doona Alex Oxlade-Chamberlain kaasoo dhaawac jilibka ah uu ka soo gaaray kulankii Barcelona.

Kooxda Gunners ayaa qiimeyn doonta xaalada Gabriel kaasoo ku dhawaanaya inuu ka soo laabto dhaawac muruqa ah.

SHAXDA MACQUULKA AH:

Man United (4-2-3-1): De Gea; Varela, Blind, McNair, Riley; Schneiderlin, Carrick; Lingard, Mata, Depay; Rashford.

Arsenal (4-2-3-1): Cech; Monreal, Koscielny, Mertesacker, Bellerin; Ramsey, Coquelin; Welbeck, Ozil, Sanchez; Giroud.

MA OGTAHAY?

  • Arsenal ayaan badinin sideedii kulan ee ugu danbeysay ee Premier League ee ay booqdeen Old Trafford iyadoo laga badiyay lix ka mid ah.
  • Si kastaba, Gunners ayaa ku badisay Old Trafford kulan ka tirsanaa FA Cup xilli ciyaareedkii hore.
  • Guul ay gaareen ayaa la micno noqon doonta in Manchester United ay noqoto kooxdii ugu horeysay ee heerka koowaad ee 50 guul gurigeeda kaga gaarta Arsenal.
  • Arsenal ayaa dhalisay in ka badan hal gool kaliya hal kulan oo ka mid ah 23kii kulan ee Premier League ee ay booqdeen Old Trafford, waana kulankii 8-2 looga badiyay 28kii bishii August 2011.

 

LIFAAQ.COM


Fikradaha Akhristayaasha (0)




Advertisement

Latest News

Kooxaha hubeysan ee Soomaaliya (Daawo Khariirad muujineysa Dhulka ay ka taliso kooxda Alshabaab)
- Jun 7, 2018
Kooxda Alshabaab oo ka hoos dhaltay Maxkamadihii Islaamiga Soomaaliya ee kacay sanadkii 2006 ayaa ...
DAAWO SAWIRRO: Talyaaniga oo Qalab Casri ah ku wareejiyey Dowladda Somalia
- Jun 7, 2018
Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa xafiiskiisa ...
AKHRISO: Heshiika Habka Doorashooyinka Soomaaliya ee Sanadka 2020-ka
- Jun 7, 2018
Habeen hore saqdii dhexe waxaa Baydhabo lagu soo gabo-gabeeyay shirkii amniga qaranka, shirkan oo ...
Wariye Caan ka ahaa Soomaalida dhexdeeda oo geeriyooday
- Jun 7, 2018
Allah ha u naxariistee waxaa Isbitaal ku yaalla magaalada London ee dalka Ingiriiska ku ...
Burcad badeeda Somalida oo sii daayay Ajaaniib mudo u Afduubnaa(Ogow Sababta lagu sii daayay)
- Jun 7, 2018
Kooxaha Burcad-baddeeda ayaa la sheegay inay maanta sii daayeen 4 kalluumeysato u dhalatay Iiraan ...